Candace & Franklin (#香港婚紗婚影 + #婚禮攝影服務) @ 3 Oct 2025
⭐⭐⭐⭐⭐ 5分評語
C：差不多10年前因見到宋熙年輯大排檔pre-wedding，就非常鍾意，因為顏色對比鮮明，好似兒時玩迪士尼砌圖嘅親切感覺，之後就搵係出自邊個攝影師手筆，所以當我剛大學畢業時，就已決定第時婚紗照要鎖定由Siuming操刀。因一直都只想影一輯與我同另一半成長有關嘅相，SiuMing一定係可突出到香港地特色嘅不二之選。
C&F：SiuMing由最初的策劃和準備，直到實際拍攝及後期製作每一個環節都一絲不苟，盡心盡力，並提出不少專業意見，解決到普通人對Pre-wedding的誤區。Pre-wedding一個月前會約新人認真開會，了解清楚新人想要嘅效色調、效果、場景，預先設計好當天拍攝行程及用時，他為求喺每個場景、每個鏡頭都捕捉到新郎新娘最靚、最有feel嘅一刻，在專業及夢幻之中處理得遊刃有餘，正式拍攝時，經驗豐富嘅佢只需合起雙眼，他的小腦袋飛速十萬轉，立刻指出最靚嘅鏡頭與角度，即刻俾到新人最實際嘅動作、角度等建議。後期更加唔係批量統一後製，而係讓新人挑選滿意的照片後逐張耐心精細製作。
大日子當日天公做美，SiuMing帶領的團隊比約定時間提早1小時到酒店場地考察，發掘光影特別嘅景點，令當日成個拍攝過程都非常輕鬆順利，仲影到好多我哋意想不到嘅靚相（酒店某啲位係我哋從來冇諗過影相會咁靚嘅地方，例如酒店門口水池可影倒影、室外旋轉樓梯光影鮮明）。
SiuMing係我哋成個婚禮第一個搵嘅Vendor，確認咗Pr-wedding同結婚當天嘅攝影後，成個婚禮籌備安心咗80%，畢竟SiuMing熟悉婚禮流程，同埋佢嘅經驗絕對可同其他Vendor完美配合，加上video團隊嘅高效迅速完成高質量嘅早拍晚播，我哋嘅婚禮係佢鏡頭之下變得更加美好。
強烈推薦SiuMing團隊俾其他準新人，絕對係物有所值。